لاہور(سپورٹس رپورٹر)پنجاب یوتھ فیسٹول میں لاہور ڈویثرن سے گولڈ میڈل جیتنے والے باکسر شاہ زیب نے کہا کہ بہتر کارکردگی دکھا کر اولمپک میں پاکستان کی نمائندگی کرنا چاہتا  ہوں۔نیشنل ہاکی سٹیڈیم میں گفتگو کرتے ہوئے انہوں نے کہا کہ بچپن سے ہی باکسر بننے کا شوق تھا جسے پورا کرنے کے لئے مقامی سطح کے مقابلوں میں حصہ لیتا رہا ہوں۔شاہ زیب کا کہنا تھا کہ باکسنگ کی رموز سیکھنے کے لئے میں کوالیفائڈ کوچ محمود بٹ سے تربیت حاصل کر رہا ہوں اور انکی تربیت کی وجہ سے لاہور ڈویثرن کے فاتح ہونے کا اعزاز حاصل کیا۔ایک سوال کے جواب میں ان کا کہنا تھا کہ پاکستان میں باکسنگ کے کھیل کو فروغ دینے کے لئے حکومتی سطع پر کوئی اقدامات نہیں کئے جارہے یہی وجہ ہے کہ بین ا القوامی سطع پر پاکستان کی نمائنیدگی نہیں ہو رہی۔انہوں نے وزیراعلیٰ پنجاب سے اپیل کی کہ وہ دیگر کھیلوں کی طرح باکسنگ میں نیا ٹیلنٹ حاصل کرنے کے لئے گراس روٹ لیول پر مقابلوں کا انعقاد کریں۔