میر پور (نوائے وقت رپورٹ+ آئی این پی) بنگلہ دیش کی حکومت پھر ہٹ دھرمی پر اتر آئی۔ سٹیڈیم میں آنیوالے بنگلہ دیش کے پاکستانی سپورٹر سے پاکستانی پرچم چھین لئے گئے۔ کچھ دن پہلے بھی بنگلہ دیش کی حکومت نے پاکستانی ٹیم کو سپورٹ کرنے پابندی لگا دی تھی اور اب پھر بنگلہ دیش کی حکومت کی طرف سے ہٹ دھرمی کا مظاہرہ کیا گیا۔ آئی سی سی کے نوٹس کے باوجود بنگلہ دیش کا تعصب نہیں گیا۔ شیر بنگلہ سٹیڈیم ڈھاکہ میں تماشائی آسٹریلیا بنگلہ دیش میچ کے دوران پاکستانی پرچم لہرا رہا تھا، سکیورٹی اہلکاروں نے تماشائی سے پاکستانی پرچم لے لیا۔ سکیورٹی حکام کا کہنا تھا جب پاکستان کا میچ آئے تب جھنڈا لہرانا۔