پنجاب بھر میں سی این جی سٹیشن 6 گھنٹے کیلئے کھل گئے، گاڑیوں کی لمبی قطاریں
لاہور (این این آئی) وفاقی حکومت کے اعلان کے مطابق پنجاب بھر کے سی این جی سٹیشنز چھ گھنٹے کے لئے کھل گئے جسکے باعث گاڑیوں کی لمبی قطاریں لگی رہیں، جی ٹی روڈ پر واقع سی این جی سٹیشنز پٹرول کی شرح سے کرایہ وصول کرنے کے باوجود انٹر سٹی روٹس کی ٹرانسپورٹ کو ترجیح دینے لگے جس کے باعث عام شہریوں کو شدید مشکلات درپیش رہیں۔ تفصیلات کے مطابق وفاقی حکومت نے پنجاب بھر کے سی این جی سٹیشنز کو ہفتے کے چھ روز صبح دس سے سہ پہر چار بجے تک گیس فراہمی کے اعلان پر یکم اپریل سے عملدرآمد شروع کر دیا ہے جبکہ اتوار کے روز 18 گھنٹے گیس فراہم کی جائے گی۔
