شاہ پور صدر+ فیروز والا (نامہ نگاران) شاہ پور صدر اور فیروز والا میں 2 افراد نے زندگی ختم کر لی۔ تفصیلات کے مطابق شاہ پور سٹی کے قصبہ شاہ یوسف میں ایک 35 سالہ دکاندار ممتاز چار بچوں کے باپ نے گلے میں پھندا ڈال کر زندگی ختم کر لی۔ پولیس تھانہ شاہ پور سٹی کے ایس ایچ او غلام حسین چدھڑ موقع پر پہنچ گئے اور نعش کو پوسٹ مارٹم کیلئے ہسپتال پہنچایا۔ واقعات کے مطابق 35 سالہ ممتاز ولد احمد خان شاہ یوسف کے کریانہ کی دکان بنا رکھی ہے اور لین دین کی وجہ سے پریشان تھا اور دلبرداشتہ ہو کر گلے میں پھندا ڈال کر زندگی ختم کر لی۔ ادھر فیروز والہ میں جی ٹی روڈ پر واقع آبادی حدوکے (مریدکے) میں نوجوان عمران نے زہریلی گولیاں کھا کر خود کشی کر لی۔ حدوکے کے صدیق کے جواں سال بیٹے عمران نے زہریلی گولیاں کھا لیں جس کی حالت غیر ہو گئی اسے طبی امداد کے لئے ہسپتال لایا گیا جہاں پر دم توڑ گیا۔ پولیس مریدکے نے متوفی کی نعش ورثاءکے حوالے کر دی۔
زندگی ختم