لاہور(سپورٹس رپورٹر)پاکستان سائیکلنگ فیڈریشن کے زیراہتمام ویمن چیمپئن شپ مئی میں ہو گی۔پاکستان سائیکلنگ فیڈریشن کے صدر ادریس حیدر خواجہ کے مطابق  مئی میں ہونے والی چیمپئن شپ میں غیرملکی ٹیموں نے بھی شرکت پر آمادگی ظاہر کی ہے۔ ان کا کہنا تھا کہ پاکستان سائیکلنگ فیڈریشن خواتین میں سائیکلنگ کے فروغ کے ساتھ ساتھ گراس روٹ لیول پر بھی نئے ایونٹس منعقد کرائے گی جس میں سرفہرست روڈ ریس ہونگی۔ نئے ٹیلنٹ کی تلاش کے لئے ہونے والی ان روڈ ریسزکو لاہور سے گجرات اور لاہور سے ساہیوال کرانے کا فیصلہ کیا گیا ہے۔