ڈھاکہ (آئی این پی)انٹرنیشنل کرکٹ کونسل کی چیف ایگزیکٹیو کمیٹی کا دوروزہ اجلاس آج ہفتہ سے ڈھاکہ میں شروع ہوگا۔اجلاس کی صدارت آئی سی سی کے چیف ایگزیکٹو ڈیورچرڈسن کریں گے ۔اجلاس میں تمام مستقل رکن ممالک اور الحاق شدہ بورڈ زکے حکام شرکت کریں گے ۔ بگ تھری کے مسودے  کو قانونی شکل دینے کیلئے تجاویز پر غور کیا جائے گا۔ بعد میں 9اور 10اپریل کو دبئی میں آئی سی سی کا ایگزیکٹیو بورڈ اجلاس کے دوران بگ تھری بھارت، انگلینڈ اور آسڑیلیا کی اجارہ داری پر مشتمل مسودے کو قانونی شکل دیدی جائیگی۔اجلاس کے موقع پر  چیئرمین پی سی بی نجم سیٹھی اور چیف آپریٹنگ آفیسر سبحان احمد مختلف کرکٹ بورڈز کے سربراہان سے بھی ملاقاتیں کریں گے۔