گوجرانوالہ (نمائندہ خصوصی) گوجرانوالہ چیمبر آف کامرس اینڈ انڈسٹری کے نائب صدر رحمان الحق نے کہا ہے کہ گوجرانوالہ کے شہریوں کو صاف ستھرا ماحول فراہم کرنے کیلئے گوجرانوالہ ویسٹ مینجمنٹ کمپنی کی کاوشیں انتہائی قابل ستائش ہیں۔ یہ امر نہایت خوشی کا باعث ہے کہ کمپنی نے یونین کونسل کی سطح پر ویسٹ مینجمنٹ کا سلسلہ شروع کر دیا ہے۔ ان خیالات کا اظہار انہوںنے گوجرانوالہ ویسٹ مینجمنٹ کمپنی کے ساتھ ایم او یو سائن کرتے ہوئے کیا۔ اس موقع پر ڈی سی او گوجرانوالہ عظمت محمود، چیئرمین گوجرانوالہ ویسٹ مینجمنٹ کمپنی عبدالرئوف، انور نسیم سینئر ڈائریکٹر آپریشن اینڈ کوآپریٹ رلیشن، ڈاکٹر عطا الحق ایم ڈی کے علاوہ دیگر عہدیداران نے بھی شرکت کی۔