پاکستان تحریک انصاف کے صدر مخدوم جاوید ہاشمی نے کہا ہے کہ ہمیں گڈ اور بیڈ  طالبان کے  چکر سے نکلنا چاہیے، اگر حکومت نیک نیتی کے ساتھ  امن کیلئے کوششیں کرے تو ایک گولی چلائے بغیر پاکستان میں امن قائم ہوسکتا ہے، یہ بات انہوں نے اتوار کو آن لائن سے خصوصی گفتگو کرتے ہوئے کہی۔ انہوں نے کہا کہ طالبان کسی نہ کسی سطح پر ماضی میں پاکستان کے خواص کی آنکھوں کا تارا رہے ہیں۔انہوں نے کہا کہ تحریک انصاف کے کسی ایم پی اے نے الگ ہونے کیلئے نہیں کہا۔ انہیں پارٹی معاملات پر اختلاف تھا۔