پنگریو (این این آئی) بھارت میں ہونے والے عام انتخابات میں تھرپار سے ملحقہ راجستھان صوبے میں امیدواروں کی کامیابی اور ناکامی میں سندھ کے بڑے گدی نشینوں کا کردار اہمیت اختیار کرگیا ہے اور سابق بھارتی وزیر خارجہ جسونت سنگھ سمیت دیگر امیدواروں نے اپنی کامیابی کیلئے سندھ کے گدی نشینوں سے رابطے کر لئے ہیں۔ ایک رپورٹ کے مطابق راجستھان میں دولاکھ سے زائد سندھی ووٹرز آباد ہیں جن کے ووٹ کسی بھی امیدوار کی کامیابی یا ناکامی میں اہم کردار ادا کرتے ہیں۔ جسونت سنگھ نے ان ووٹرز کے ووٹ حاصل کرنے کیلئے سندھ کے بڑے گدی نشینوں سے درخواست کی ہے کہ وہ اپنے مریدوں وعقیدت مندوں کو حکم دیں کہ وہ جسونت سنگھ کو ووٹ دیں۔