لاہور(سپورٹس رپورٹر) پنجاب انٹرنیشنل سپورٹس فیسٹیول( فیز ون) کے سلسلہ میں پاکستان کے دورہ پر آئے ہوئے انگلینڈ پاک الیون کا دوسرا میچ 8اپریل کو پاکستان انڈر19ٹیم کے خلاف قذافی سٹیڈیم میں کھیلے گی،صوبائی وزیر کھیل رانا مشہود احمد خان اور ڈی جی سپورٹس بورڈپنجاب عثمان انور میچ کے مہمان خصوصی ہو نگے،ٹی ٹونٹی میچ کا آغاز صبح 11بجے ہوگا۔پاک انگلینڈ کی ٹیم نے اپنے دورے کا آغاز 5 اپریل کو جی سی یونیورسٹی کی ٹیم کے خلاف میچ میں کامیابی سے کیا تھا جبکہ مہمان ٹیم اپنا تیسرا میچ یونیورسٹی آف سنٹرل پنجاب کی ٹیم کے خلاف 9اپریل کو کھیلے گی۔