قندھار (وقت نیوز) جنوبی افغانستان میں سڑک کنارے نصب بم دھماکے میں 13 افراد ہلاک ہوگئے تاہم کسی گروپ  نے ذمہ داری قبول نہیں کی۔ بتایا جاتا ہے کہ ایک گاڑی سڑک پر لگائے گئے بم سے ٹکرا کر تباہ ہو گئی اور 13 افراد جان سے ہاتھ دھو بیٹھے، یاد رہے  افغان سکیورٹی حکام عموماً ایسے دھماکوں کا الزام طالبان پر عائد کرتے ہیں۔ جو ان بموں کو سڑکوں پر اسلئے نصب کرتے ہیں تاکہ گزرنے والے فوجی ٹرکوں اورگاڑیوں کو نشانہ بنایا جا سکے۔