لاہور (کامرس رپورٹر) فلور ملز ایسوسی ایشن نے  ڈی جی فوڈ پنجاب فوڈ اتھارٹی کے رویے کے خلاف لاہور میں آج 8 اپریل سے بارہ اپریل تک 5 روزہ علامتی ہڑتال کا اعلان کر دیا۔ اس دوران فلور ملیں دوپہر ایک بجے سے 6  بجے تک  اپنی سیل نبد رکھیں گی۔ یہ اعلان پاکستان فلور ملز ایسوسی ایشن پنجاب زون  کے چیئرمین میاں محمد ریاض نے عاصم ریاض احمد کے ہمراہ پریس کانفرنس میں کیا۔ مطالبات منظور نہ کئے گئے تو    12 اپریل سے پنجاب بھر کی فلور ملیں گندم کی واشنگ بند کر دیں گی اور 14 اپریل کے بعد  فلور ملز  پسائی نہیں کریںگی۔