گوجرانوالہ (نمائندہ خصوصی) کولہو والا میں مبینہ پولیس مقابلے کے دوران 3 ڈاکو ہلاک جبکہ 3 فرار ہو گئے۔ صدر پولیس نے دعویٰ کیا ہے کہ کولہو والا کے علاقہ میں واقع سیم نالہ کے قریب 6 مبینہ ڈاکو شہریوں کو لوٹ رہے تھے اطلاع ملنے پر پولیس وہاں پہنچی تو ڈاکوئوں نے پولیس پارٹی پر فائرنگ کر دی۔ پولیس کی جوابی فائرنگ کے نتیجہ میں 3 ڈاکو مارے گئے اور ان کے 3 ساتھی اندھیرے کا فائدہ اٹھاتے ہوئے فرار ہونے میں کامیاب ہو گئے تاہم صدر پولیس ہلاک ہونے والوں کے نام اور ان کے بارے میں کچھ بھی بتانے سے گریز کر رہی ہے۔