راولپنڈی(ثناء نیوز)آرمی چیف جنرل راحیل شریف کی زیر صدارت اہم کور کمانڈرز کانفرنس آج بدھ کو جی ایچ کیو میں ہوگی۔ اجلاس میں طالبان سے مذاکرات، پرویز مشرف کے معاملے اور فوج پر تنقید کا بھی جائزہ لیا جائیگا۔آئی ایس پی آر کے مطابق اجلاس میں تمام کورکمانڈرز ڈی جی آئی ایس آئی ،ڈی جی ایم آئی اور ڈی جی ایم او بھی شرکت کریں گے۔ نجی ٹی وی نے ذرائع کے حوالے سے بتایا ہے کہ اجلاس میں حکومت طالبان مذاکرات اور مشرف کے معاملے پر حکمت عملی وضع کی جائیگی۔ فوج پر تنقید کرنے والوں کی آرا کا بھی جائزہ لیا جائیگا۔ ذرائع کا کہنا ہے کہ پاک افغان سرحد کی صورتحال اور ملکی سلامتی سے متعلق امور پر بھی بات ہوگی۔