لاہور(سپورٹس رپورٹر) پاکستان کرکٹ ٹیم کے سابق کپتان شعیب ملک کی بھارتی اہلیہ ثانیہ مرزا مختصر دورہ کے بعد آج واپس بھارت روانہ ہونگی۔ شعیب ملک نے گذشتہ روز میڈیا کے مخصوص بندوں کو فون کر کے لاہور آنے کی اطلاع دی جس کے بعد میڈیا گھنٹوں انتظار کی سولی پر لٹکا رہا لیکن شعیب ملک بار بار وعدوں کے نیشنل کرکٹ اکیڈمی نہیں پہنچے۔ ذرائع کے مطابق ٹی ٹونٹی ورلڈ کپ میں ناقص کارکردگی کو چھپانے اور مستقبل کے سرسبز باغ دکھانے کے لئے مخصوص میڈیا کے سہارے تلاش کرنا شروع کر دیئے۔ شعیب ملک کا شمار بھی پاکستان ٹیم کے ان کھلاڑیوں میں ہوتا ہے جنہوں نے میگا ایونٹ میں ناقص ترین کارکردگی کا مظاہرہ کیا۔