مونروویا (اے پی پی) لائبیریا میں کشتی ڈوب جانے کے نتیجہ میں 5 افراد ہلاک اور 15 لاپتہ ہوگئے۔ ذرائع ابلاغ کے مطابق دارالحکومت مونروویا میں میڈیا سے گفتگو کرتے ہوئے پولیس کے ترجمان سام کولنز نے بتایا کہ دارالحکومت کے وسط میں بہنے والے دریائے میسورادو میں مسافر بردار کشتی توازن برقرار نہ رکھتے ہوئے ڈوب گئی جس کے نتیجہ میں 5افراد موقع پر ہلاک جبکہ 15 لاپتہ ہوگئے ہیں انہوں نے کہا کہ حادثہ کشتی میں گنجائش سے زیادہ مسافروں کے باعث پیش آیا۔ حادثہ کے بعد لاپتہ افراد کی تلاش کا کام شروع کردیا گیا ہے۔