لاہور(کلچرل رپورٹر) لاہور میں رنگارنگ پی ایف ڈی سی فیشن ویک کا آغاز ہوگیا۔ معروف ڈیزائینرز کے دیدہ زیب ملبوسات زیب تن کرکے ٹاپ ماڈلز نے ریمپ پر حسن کے جلوے بکھیرے۔ ایکسپو سینٹر میں شروع ہونیوالے فیشن ویک کے پہلے روز مختلف برانڈز کے ملبوسات کی نمائش کی گئی۔ماڈلز کے جلووں نے ماحول کو رنگین بنادیا۔شوبز سے وابستہ افراد سمیت مختلف شخصیات نے فیشن ویک کے پہلے روز شرکت کرکے محفل کی رونق بڑھائی۔ان کا کہنا تھا کہ ملک کے خراب حالات میں ایسے ایونٹس تفریح کے اچھے مواقع فراہم کرتے ہیں۔لاہور میں شروع ہونیوالا یہ فیشن ویک مزید تین روز جاری رہے گا۔