لاہور (سپورٹس رپورٹر)  پاکستان  واپڈا نے  12 گولڈ، 3 سلور اور 8 برائونز میڈل کے ساتھ نیشنل تائیکوانڈو چیمپئن شپ جیت لی۔ تین روزہ چیمپئن شپ میں پاکستان بھر سے گرلز اور بوائز ٹیموں نے بھرپور شرکت کی جس میں واپڈا نے مجموعی طور پر 254 پوائنٹس حاصل کرتے ہوئے سبقت حاصل کی۔ دوسرے نمبر پر ریلویز کی ٹیم رہی  جس نے7 گولڈ،8 سلور اور 9 برائونز میڈل کے ساتھ 242 پوائنٹس حاصل کیے۔ پنجاب اے نے تیسری پوزیشن حاصل کی جس میں 5 سلور، 9 برائونز میڈل کے ساتھ 113 پوائنٹس حاصل کیے۔ سندھ نے 86 پوائنٹس کے ساتھ چوتھی پوزیشن حاصل کی۔ جس میں ایک گولڈ، چار سلور اور پانچ برانز میڈل حاصل کیے۔ اسلام آباد نے81 پوائنٹس کے ساتھ پانچویں پوزیشن حاصل کی جس میں تین گولڈ، ایک سلور اور چار برائونز میڈل حاصل کیے۔  پنجاب  بی نے 46 پوائنٹس کے ساتھ چھٹی پوزیشن حاصل کی جس میں ایک گولڈ ، ایک سلور اور تین برائونز میڈل حاصل کیے۔بلوچستان نے ساتویں ، کے پی کے نے آٹھویں، فاٹا نے نویں اور ایچ ای سی نے دسویں پوزیشن حاصل کی۔