کلرک آج ہڑتال اور احتجاجی مظاہرے کرینگے
لاہو ر(سپیشل رپورٹر) آل پاکستان کلرکس ایسوسی ایشن کی اپیل پر آج ہڑتال اور احتجاجی جلسے کئے جائیں گے۔ ایپکا پنجاب کے صدر حاجی ارشاد نے کہا ہے کہ ایڈیشنل چیف سیکرٹری پنجاب کی یقین دہانی کے باوجود مطالبات پر عمل درآمد نہیں ہوا ہے۔ اس کے علاوہ حکومت کی جانب سے سرکاری ملازمین کی تنخواہوں میں اضافہ نہ کرنے کے اعلان پر مظاہرے کئے جائیں گے۔ جبکہ 22 اپریل کو ایپکا اسلام آباد میں پارلیمنٹ ہائوس کے باہر احتجاجی مظاہرہ کرے گی۔
