مقبوضہ بیت المقدس(این این آئی)اسرائیلی فوج کی طرف سے آنسوگیس کے وحشیانہ استعمال سے بے ہوش ہونے والی فلسطینی خاتون شہید ہو گئی ،غیرملکی خبررساں ادارے کے مطابق حکام نے بتایاکہ اسرائیلی فوج نے چالیس سالہ فلسطینی خاتون کے گھر کے قریب آنسوگیس کا اندھا دھند استعمال کیا جس سے ایک علیل فلسطینی خاتون بھی بری طرح متاثر ہوئی اور اسے سخت بری حالت میں ہسپتال لے جایا گیا،یہ واقعہ بیت اللحم کے شمال مغرب میں پیش آیا جہاں اسرائیلی سکیورٹی فورسز آئے روز فلسطینیوں کے ساتھ سلسلہ جبر جاری رکھتی ہیں۔