لاہور+گوجرانوالہ(نامہ نگار+نمائندہ خصوصی) صوبائی دارالحکومت کے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں ، موٹرسائیکلیں اور دیگر سامان لوٹ لیا جبکہ مزاحمت کرنے پر سکیورٹی گا رڈ کوفائرنگ کر کے زخمی کر دیا جبکہ گوجرانوالہ میں ڈاکوؤں نے واردات کے دوران مزاحمت پر فائرنگ کرکے ایک نوجوان کو قتل کر دیا۔ تفصیلات کے مطابقنواں کوٹ کے علاقہ شام نگر بی بلاک میں موٹرسائیکل سوارڈاکوئوں نے دن دیہاڑے سکیورٹی گارڈ سجاد سے اس کی رائفل چھین لی اور مزاحمت کرنے پر اسے فائرنگ کر کے شدید زخمی کردیا اور فرار ہوگئے۔ واقعہ پر اہل علاقہ نے شدید احتجاج کیا ہے اور کہا ہے کہ پولیس علاقہ میں گشت نہیں کرتی۔ ڈاکوئوں نے نشتر کالونی میں نوید شیخ کے گھر میں گھس کر 12لاکھ، نصیرآباد میں ظہیر انور کے گھر سے  10لاکھ، گلشن راوی میں شمشاد کے گھر سے 9لاکھ، ٹائون شپ میں فیصل کے گھر سے 8لاکھ، اقبال ٹائون میں علی رضا کے گھرسے6لاکھ کی نقدی، طلائی زیورات، موبائل فون اور دیگر سامان لوٹ لیا۔ ڈاکوئوں نے ہنجروال میں ارشاد اور اسکی فیملی سے 6لاکھ، شاہدرہ میں حبیب الرحمان کی فیملی سے 5لاکھ، لیاقت آباد میں اظہر کی فیملی  سے 3لاکھ کی نقدی، طلائی زیورات، موبائل فون اور دیگر سامان لوٹ لیا۔ مانگا منڈی میںگارمنٹس کی فیکٹری میں گھس کر 8لاکھ اور سات موبائل فون، نواب ٹائون میں ذاکر سے 3لاکھ اور تین موبائل فون، شادمان میں نوید سے دولاکھ روپے اور دوموبائل فون، باغبانپورہ میں سہیل سے ڈیڑھ لاکھ او ردوموبائل فون، لٹن روڈ میں اعجاز سے ایک لاکھ او ردوموبائل فون، شفیق آباد میں حسن سے 95ہزار روپے اورموبائل فون، ساندہ میں جاوید سے 75ہزار روپے اورموبائل فون ،ملت پارک میں ماجد سے 50ہزارروپے اورموبائل فون ، اقبال ٹائون میں ارشد سے لیپ ٹاپ اورموبائل فون لوٹ لیا۔ چوروں نے  فیصل ٹائون سے شاکر ، گلبرگ سے قاسم ،سول لائن سے مقبول، اقبال ٹائون سے اسلم ، گلشن راوی سے ہمایوںکی کاریں جبکہ لٹن روڈسے اسد ، گوالمنڈی سے شبیر، لوئرمال سے سعد ، ٹائون شپ سے حضر ، برکی سے کامران ،شاد مان سے شفیق ، کاہنہ سے صابر ،گارڈن ٹائون سے مظفر، اسلام پورہ سے نویدالحسن کی موٹرسائیکلیں چوری کر لیں۔ میاںسانسی روڈ پر ڈاکو امجد نامی نوجوان کو روک کر لوٹنے لگے۔ اس نے مزاحمت کی تو ڈاکوؤں نے فائرنگ کرکے اسے قتل کر دیا۔ علاوہ ازیں باغبانپورہ میں موٹرسائیکل سوار 2 ڈاکوؤں نے یٰسین کو مزاحمت پر فائرنگ کرکے زخمی کر دیا۔