کابل(رائٹرز+اے پی پی)افغانستان نے ایک مرتبہ پھرطالبان رہنما آغاجان معتصم کے لاپتہ ہونے پر تشویش کا اظہارکرتے ہوئے کہاہے کہ اس سلسلے میں حکومت متحدہ عرب امارات سے مسلسل رابطے میں ہیں مگر افسوس ہے کہ ابھی تک کوئی پیشرفت نہیں ہو سکی۔ ادھر ایک اور افغان اہلکار نے بتایا دبئی میں وہ گھر پر نظربند ہیں۔ اس سے کرزئی کی امن کوششوں کو دھچکا لگا ہے۔  ادھر شمالی افغانستان میں ٹریفک حادثہ کے نتیجہ میں 5 افراد ہلاک اور 15 زخمی ہو گئے۔ ذرائع ابلاغ کے مطابق حادثہ جمعرات کی صبح مقامی وقت کے مطابق 7 بجے کے قریب کابل مزار ہائی وے پر اس وقت پیش آیا جب ٹرک مسافر بس سے ٹکرا گیا۔