فیروز والا کچہری کے باہر فائرنگ، نوجوان زخمی، بھگدڑ مچ گئی
فیروز والا (نامہ نگار) کچہری کے باہر پیشی کیلئے آنے والے نوجوان کو مخالفین نے فائرنگ کر کے شدید زخمی کردیا۔ تفصیلات کے مطابق جمیل پارک کالاخطائی روڈ کا رہائشی نوجوان راشد عرف راشی مقدمہ قتل کی پیروی کے سلسلہ میں کچہری فیروز والا تاریخ پیشی پرآیا اور سٹینڈ پر موٹر سائیکل کھڑی کر رہا تھا مخالفین 2 بھائیوں ایوب اور فاروق نے فائرنگ کر دی جس کے نتیجے میں راشد شدید زخمی ہو گیا فائرنگ سے بھگدڑ مچ گئی۔ اسے ہسپتال داخل کرا دیا گیا۔ شاہدرہ ٹائون پولیس نے ملزموں کے خلاف مقدمہ درج کر لیا۔
