اسلام آباد (اے پی پی) پاکستان سولر پینلز برآمد کرنے والے ممالک میں شامل ہوگیا ہے۔ شان ٹیکنالوجیز کے سربراہ پرویز لودھی نے کہا ہے کہ ان کی کمپنی دو سال قبل سولر پینلز کی تیاری کے کاروبار سے منسلک ہوئی تھی اور اس وقت ہم امریکہ کو بہترین معیار کے پینلز برآمد کر رہے ہیں۔ انہوں نے کہا کہ ہم خطے کے ممالک کو پینلز کی برآمدات کے حوالے سے بھی پرامید ہیں اور بہت جلد افغانستان کو برآمد شروع کردی جائے گی۔