گوجرانوالہ: نالے میں گر کر جاں بحق ہونے والے چوکیدار کے 5 سالہ بیٹے کی نعش 27 گھنٹے بعد برآمد
گوجرانوالہ (نمائندہ خصوصی) نالے میں گر کر جاں بحق ہونے والے چوکیدار کے کمسن بیٹے کی نعش 27 گھنٹے بعد برآمد کر لی گئی جبکہ میت گھر پہنچنے پرقیامت برپا ہوگئی۔ یاد رہے گذشتہ روز کھیالی بائی پاس کے رہائشی نشاط کا پانچ سالہ بیٹا شہزاد کھیلتے ہوئے گھر کے قریب گندے نالے میں گر گیا۔ اہل علاقہ کی اطلاع پر ریسکیو اہلکاروں نے موقع پر پہنچ کر آپریشن شروع کردیا تاہم شہزاد کی نعش 27 گھنٹوں بعد ریسکیو اہلکاروں نے نالے سے برآمد کر لی۔
