چمن (آئی این پی)  چمن میں  مال روڈ پر حساس ادارے کے دفتر کے قریب  دھماکہ میں متعدد افراد زخمی ہو گئے،زخمیوں کو طبی امداد کے لئے قریبی ہسپتال منتقل کر دیا گیا، دھماکہ کے بعد سکیورٹی فورسز نے علاقے کو گھیرے میں لے کر  تحقیقات شروع کر دیں۔ پیر کو چمن کینٹ  مال روڈ پر حساس ادارے کے دفتر کے قریب موٹر سائیکل میں نصب دھماکہ خیز مواد زور دار دھماکے سے پھٹ گیا جس کے نتیجے میں متعدد افراد  زخمی ہو گئے۔ زخمیوں کو فوری طور پر قریبی ہسپتال منتقل کر دیا گیا ۔ دھماکہ کی شدت اتنی زیادہ تھی  کہ دھماکے کی آواز دور دور تک سنی گئی جس کے باعث لوگوں میں خوف و ہراس پھیل گیا۔ واقعہ کے بعد پولیس اور ایف سی نے موقع پر پہنچ کر علاقے کو گھیرے میں لے لیا۔