اسلام آباد (اے پی پی)پاکستان کبڈی فیڈریشن کے زیراہتمام کل بدھ سے چیچہ وطنی میں کھیلی جانے والی37 ویں قومی سرکل سٹائل کبڈی چیمپئن شپ ایک بار پھر ملتوی کر دی گئی ہے۔اب یہ چیمپئن شپ آئندہ ماہ پی او ایف واہ میں کھیلی جائے گی۔ پاکستان کبڈی فیڈریشن کے سیکرٹری جنرل رانا محمد سرور نے بتایا کہ چیمپئن شپ میں پنجاب، سندھ، بلوچستان،خیبرپی کے، پاکستان آرمی، پاکستان نیوی، پاکستان ائرفورس، پاکستان پولیس ، پاکستان واپڈا، پاکستان ریلوے اور ہائر ایجوکیشن کمیشن، سوئی سدرن گیس اور اسلام آباد کی ٹیمیں حصہ لیں گی ۔