اسلام آباد(ثناء نیوز) سپیکر خیبر پی کے صوبائی اسمبلی اسد قیصر نے پارلیمنٹ ہائوس میں سپیکر قومی اسمبلی سردار ایاز صادق سے ملاقات کی جس میں صوبائی اور قومی مقننہ کے مابین تعاون کو مزید مستحکم کرنے کے علاوہ باہمی دلچسپی کے مختلف امور پر تبادلہ خیال کیا گیا۔ اسد قیصر نے سپیکر قومی اسمبلی کو اسلام آباد میں منعقد ہونے والی 17ویں سپیکرز کانفرنس کے انعقاد پر مبارک باد پیش کرتے ہوئے کہا سپیکرز کانفرنس کا انعقاد مستقل بنیادوں پر ہونا چاہیے۔