تحریک انصاف کا 18واں یوم تاسیس جوش وخروش سے منایا گیا، تقریبات، سیمینار کیساتھ کیک کاٹے گئے
لاہور (خصوصی رپورٹر) تحریک انصاف کا 18واں یوم تاسیس جوش وخروش سے منایا گیا۔ پنجاب کے تمام ریجنل، ضلعی اور تحصیل کے ہیڈکوارٹرز پر خصوصی تقریبات، سیمینار منعقد کئے گئے اور پارٹی کی سالگرہ کے کیک بھی کاٹے گئے۔ پارٹی رہنماﺅں اور کارکنوں نے ملک کی سلامتی اور پارٹی کی کامیابی کیلئے خصوصی دعائیں مانگیں۔ لاہور میں پی ٹی آئی پنجاب سیکرٹریٹ میں یوتھ ونگ پنجاب نے یوم تاسیس کے حوالے سے تقریب منعقد کی جبکہ گوجرانوالہ، شیخوپورہ، ننکانہ، قصور، اوکاڑہ، فیصل آباد سمیت دیگر شہروں میں تقاریب ہوئیں۔ ساہیوال میں منعقدہ تقریب میں ڈاکٹر یاسمین راشد نے شرکت کی اور کیک کاٹا۔ رہنماﺅں نے کہا مخلص کارکنوں کی جدوجہد اور انتھک محنت ایک دن ضرور رنگ لائیگی اور کامیابی تحریک انصاف اور قوم کا مقدر بنے گی۔
