بہاولپور: رشتہ کا تنازع، 3 افراد نے لڑکی پر تیزاب پھینک دیا، مقدمہ درج، ایک گرفتار
بہاولپور (نامہ نگار) بہاولپور سے 10 کلو میٹر دور سمہ سٹہ میں رشتہ کے تنازع پر 18 سالہ ثمینہ بی بی پر ملک محمد افضل نے مبینہ طور پر تیزاب پھینک دیا جس سے وہ جھلس گئی، زخمی ثمینہ بی بی کو ہسپتال داخل کرا دیا گیا۔ ثمینہ بی بی دختر محمد رفیق کا اظہر سے رشتہ کا تنازع چل رہا تھا، اظہر مظہر اور ان کے ساتھی نے مبینہ طور پر ثمینہ بی بی پر تیزاب پھینک دیا جس سے وہ جھلس گئی۔ اطلاع ملتے ہی پولیس تھانہ سمہ سٹہ فوراً موقع پر پہنچ گئی۔ ملک محمد افضل، اظہر، مظہر، ملک خالد کے خلاف انسداد دہشت گردی ایکٹ کے تحت مقدمہ درج کرکے ملک خالد کو گرفتار کرلیا۔
