شارجہ (سپورٹس ڈیسک) متحدہ عرب امارات میں جاری انڈین پریمیئر لیگ کے 16 ویں میچ میں دہلی نے ممبئی کو 6 وکٹوں سے شکست دے دی۔ ممبئی نے پہلے کھیلتے ہوئے 6 وکٹوں پر 125 رنز بنائے۔ کیرون پولارڈ نے ناقابل شکست 33 رنز کی اننگز کھیلی۔ دہلی نے ہدف 4 وکٹوں پر پورا کر لیا۔ مرلی وجے نے 40 رنز بنائے انہیں مین آف دی میچ قرار دیا گیا۔ 17 ویں میچ میں چنائی نے حیدر آباد کو 5 وکٹوں سے شکست دیدی۔ حیدر آباد نے 5 وکٹوں پر 145 رنز بنائے، چنائی نے ہدف 5 وکٹوں پر پورا کر لیا۔