بنوں + مردان (آئی این پی) بنوں  میںتھانہ ٹائون شپ کی حدود ڈوگر عمر زئی گائوں میں رشتہ کے تنازعہ پر فریقین کے درمیان فائرنگ کے نتیجے میں تین افراد جاں بحق ہوگئے جب کہ مردان میں امام مسجد کی تقرری کے معاملے پر فائرنگ سے 3 افراد مارے گئے۔  پولیس کے مطابق بنوں کے علاقہ تھانہ ٹائون شپ کی حدود میں گائوں ڈوگر عمر زئی میں رشتہ کے تنازعہ پر  زری بت خان نے اپنے نواسے  کے ہمراہ عطامحمد کے گھر جا کر فائرنگ کر دی جس سے عطامحمد ہلاک ہو گیا ۔واقعہ کے فوری بعد عطامحمد کے  بیٹے عصمت نے فائرنگ کے تبادلے میں زری بت خان اور اس کے نواسے کو قتل کر دیا۔ دوسری جانب  مردان میں نستہ روڈ پر امام مسجد کی تقرری کے معاملے پر 2 گروپوں میں جھگڑا ہو گیا جس کے بعد ملزمان نے فائرنگ کر دی جس سے باپ عبداﷲ‘ بیٹے وقاص اور سعید وغیرہ گولیاں لگنے سے ہلاک ہو گئے۔ پولیس نے نعشیں پوسٹ مارٹم کیلئے ہسپتال منتقل کر دیں۔