سکھر (نوائے وقت رپورٹ) سکھر میں شوہر نے اپنی بیوی ریما کو زنجیروں میں جکڑ دیا۔ سکھر کی مظلوم خاتون جان بچا کر میکے پہنچ گئی۔ نجی ٹی وی کے مطابق سکھر کے ندیم سے ریما کی تین سال پہلے شادی ہوئی۔ ندیم کی دوسری شادی تھی۔ شادی کے بعد ساس، نندیں تشدد کرتی تھیں۔ ایک ماہ پہلے ندیم نے ماں کے کہنے پر مجھے زنجیروں میں جکڑ دیا۔ ساس کسی کام سے باہر گئی تو وہ گھر سے بھاگ کر میکے پہنچ گئی۔ پولیس کو رپورٹ کردی گئی ہے۔ مقدمہ درج کرکے تفتیش کی جارہی ہے۔