گوجرانوالہ (نمائندہ خصوصی) سنگدل سوتیلے بیٹے نے ڈنڈوں کے وار کر کے باپ اور شادی شدہ بہن کو موت کے گھاٹ اتار دیا۔ بتایا گیا ہے کہ عزیز کالونی کے رہائشی ملزم عمران گل نے گھریلو جھگڑے پر اپنے سوتیلے باپ آستن جان بھٹی اور شادی شدہ بہن آستر کو ڈنڈوں کے پے در پے وار کر کے شدید زخمی کر دیا۔ آستن موقع پر دم توڑ گیا جبکہ ملزم کی بہن کو فوری طور پر طبی امداد کی فراہمی کیلئے ڈسٹرکٹ ہسپتال منتقل کیا گیا، ڈاکٹروں نے لاہور ریفر کیا جو راستے میں جان کی بازی ہار گئی۔ تھانہ جناح روڈ پولیس نے ملزم عمران گل کو موقع سے گرفتار اورآلہ قتل برآمد کر لیا۔ پولیس کا کہنا ہے کہ ملزم نے ابتدائی تفتیش کے دوران یہ بتایا ہے کہ وہ دونوں مقتولین کو گھر سے باہر جانے سے منع کرتا تھا۔