گجرات ( نامہ نگار) گجرات میں افواج پاکستان سے اظہار یکجہتی کے لئے خواجہ سرائوں نے بھی ریلی نکالی ٗ خواجہ سرا ریشم کی قیادت میں ریلی نکالی گئی۔ ریلی چوک پاکستان سے شروع ہوئی اور کچہری چوک میں اختتام پذیر ہوئی ٗ ریلی میں سینکڑوں خواجہ سرائوں نے شرکت کی اور پاک فوج کے حق میں نعرے بازی کی ٗ خواجہ سرائوں نے فوج کے حق میں لکھے گئے بینرز اور پلے کارڈز بھی اٹھا رکھے تھے ٗ خواجہ سرائوں کا کہنا تھا کہ مشکل وقت میں ہم پاک فوج کے شانہ بشانہ کھڑے ہوں گے۔