ڈھاڈر میں فائرنگ سے لڑکا جاں بحق، اوتھل سے نوجوان کی نعش برآمد
کوئٹہ (اے پی پی) ڈھاڈر کے علاقے کوٹ مینگل میں نامعلوم مسلح افراد کی فائرنگ سے 12 سالہ لڑکا علی حسین ہلاک ہوگیا۔ لیویز نے نعش کو قبضے میں لے کر ہسپتال پہنچا دیا۔ علاوہ ازیں اوتھل کے علاقے سے پولیس نے ایک شخص کی پانچ روزہ پرانی نعش قبضے میں لے لی۔ پولیس کے مطابق پولیس نے عبدالرشید کی پانچ روزہ پرانی نعش قبضے میں لی۔ مقتول کے ورثا نے بتایا کہ نوجوان کا دماغی توازن ٹھیک نہیں تھا۔ علاوہ ازیں نصیر آباد کے علاقے میں نامعلوم افراد نے پولیس کی چیک پوسٹ پر راکٹ سے حملہ کردیا تاہم کوئی جانی نقصان نہیں ہوا۔ پشین کے علاقے سے لیویز نے فائرنگ کے تبادلے کے بعد مغوی کو بازیاب کرکے ایک ملزم کو گرفتار کر لیا۔ ڈپٹی کمشنر بشیر خان بازئی نے بتایا کہ مسلم باغ کے علاقے سے نامعلوم مسلح افراد نے ایک شخص عثمان ناصر کو اغوا کرلیا تھا۔ علاوہ ازیں بلوچستان کے علاقے مانجھی پور کے علاقے میں گھروں میں آگ لگنے سے ایک بچی جاں بحق ہوگئی۔ کچلاک کے علاقے سے نامعلوم مسلح افراد نے ایک شخص کو اغوا کرلیا۔ ادھر بلوچستان کے صنعتی شہر حب میں نامعلوم مسلح افراد نے خاتون ثمینہ بی بی کو اغوا کرلیا۔خضدار میں ہندو تاجر اغواء ہوا جسے بازیاب کرالیا گیا۔
