مکرمی! میں بے روزگار ہوں میری تعلیمی قابلیت ’’بی۔ اے بی۔ ایڈ‘‘ ہے اور ایم اے اردو کر رہاہوں۔ میرے والد محکمہ تعلیم میں بطور درجہ چہارم ملازمت کرتے رہے جو قضائے الٰہی سے 2009 کو وفات پا گئے تھے۔ میں ان کا اکلوتا بیٹا ہوں اور عرصہ دراز سے بیروزگار پھر رہا ہوں۔ حضور اعلیٰ! میں اب تک آپ کی خدمت میں بے شمار درخواستیں بھیج چکا ہوں اور ضلعی افسران بالا کی خدمت میں بھی کئی دفعہ حاضر ہو چکا ہوں مگر افسوس کہ مجھے ابھی تک کوئی نوکری نہ ملی؟ کیا میں اس قابل بھی نہیں ہوں کہ مجھے میرے والد کی جگہ پر اور کوئی نہیں تو درجہ چہارم کی نوکری ہی دے دی جائے۔ وزیر اعلیٰ صاحب! براہ کرم خصوصی شفقت فرماتے ہوئے اپنے سپیشل کوٹہ سے کہیں بھی میری تقرری کے احکامات صادر فرمائیں!(بشارت علی۔ بی اے۔ بی ایڈ (ایم اے اردو صدر گوگیرہ تحصیل و ضلع اوکاڑہ)