کراچی (نیٹ نیوز) جوڈیشل مجسٹریٹ ملیر نے جناح انٹرنیشنل ائر پورٹ سے بندوق کی گولیوں سمیت گرفتار ہونے والے امریکی شہری کو چار دن کے جسمانی ریمانڈ پر پولیس کے حوالے کر دیا۔ امریکی شہری جوئل کوکس کو پیر کے روز کراچی کے جناح انٹرنیشنل ائر پورٹ پر نائن ایم ایم پستول کی 15 سے زائد گولیوں سمیت گرفتار کیا تھا۔ پاکستان میں امریکی حکام نے تصدیق کی ہے کہ کراچی سے ایک امریکی شہری کوگرفتار کیا گیا ہے اور وہ اس سلسلے میں پاکستانی حکام سے تعاون کر رہے ہیں۔ ایس ایس پی ملیر راؤ انوار کا کہنا ہے کہ ائرپورٹ تھانے میں مقدمہ درج کر کے گولیوں کو فورنسک تجزیے کے لئے لیبارٹری بھیج دیا گیا ہے۔