لاہور(سپورٹس رپورٹر) پاکستان کرکٹ بورڈ کے زیر اہتمام قومی کرکٹرز کا لاہور میں شروع ہونے والے ایک ماہ کا کنڈیشنگ کیمپ زور و شور سے جاری ہے جس میں کھلاڑی نیشنل کرکٹ اکیڈمی کے کوچز کی زیر نگرانی صبح اور شام کے سیشنز میں فزیکل فٹنس بہتر بنانے کی تربیت حاصل کر رہے ہیں۔ پاکستان کرکٹ ٹیم کے چیف سلیکٹر و منیجر معین خان نے سلیکشن کمیٹی کے دیگر ارکان کے ساتھ کھلاڑیوں کی ٹریننگ کا باریک بینی سے جائزہ لیا۔ اس موقع پر سلیکشن کمیٹی کے دیگر ارکان سلیم یوسف، جونیئر سلیکشن کمیٹی کے چیف باسط علی بھی موجود تھے۔