لاہور+ فیروز والا ( سٹا ف رپورٹر+ نامہ نگار) ڈاکوئوں اور چوروں نے شہریوں کو لاکھوں روپے مالیت کی نقدی ،زیورات ،گاڑیوں موٹر سائیکلوں و دیگر قیمتی سامان سے محروم کر دیا۔ تفصیلات کے مطابق اسلام پورہ میں ڈاکوئوں نے  ناصر سے 12لاکھ کی نقدی و موبائل چھین لیا گارڈن ٹائون میںڈاکوئوں نے گن پوائنٹ پر کار سوار نیاز اور اس کے ساتھی سلیم سے 6لاکھ کی نقدی و موبائل لوٹ لیے ،ڈیفنس بی میں ڈاکوئوں نے سجاد کی بیوی سے اسلحہ کے زور پر 3لاکھ 50ہزار روپے مالیت کے دو عدد طلائی کڑے چھین لیے کوٹ لکھپت میں ڈاکوئوں نے عبد الواجد سے 2لاکھ روپے مالیت کی نقدی ،لیپ ٹاپ اور موبائل، گلشن اقبال میں ڈاکوئوں نے خالد سے 1لاکھ 60ہزار روپے مالیت کے امریکی ڈالر، ساندہ میں ڈاکوئوں نے احمد سے 1لاکھ 40ہزار روپے مالیت کی نقدی و موبائل ،گوالمنڈی میںڈاکوئوں نے اسلحہ کے زور پر راحت سے 80ہزار روپے مالیت کی نقدی و موبائل ، اسلام پورہ میں ڈاکوئوں نے ندیم سے 70ہزار روپے مالیت کی نقدی و موبائل ،لٹن روڈ میں ڈاکوئوں نے شہباز 30ہزار روپے مالیت کی نقدی و موبائل ،باغبانپورہ میں ڈاکوئوں نے محسن سے 50ہزار روپے مالیت کی نقدی و موبائل ، لوئر مال میں ڈاکوئوں نے فرید سے 17ہزار روپے مالیت کی نقدی و موبائل ،ہنجر وال میں ڈاکوئوں نے آصف سے 35ہزار روپے مالیت کی نقدی و موبائل ،سبزہ زار میں ڈاکوئوں نے اشفاق کی بہن سے 15ہزار روپے مالیت کے زیورات چھین لئے ۔ قلعہ گجر سنگھ میں اسلم ،لٹن روڈ میں عاطف ،لیاقت آباد میں اظہر کی گاڑیاں جبکہ لٹن روڈ میں آصف ،ریس کورس میں امجد ،فیکٹری ایریا میں ایاز ،شیرا کوٹ میں عدنان ،ساندہ میں صدیق ،ملت پارک میں حسنین ،ٹائون شپ میں رئیس،ڈیفنس اے میں عمران ،راوی روڈ میں حسیب ،اقبال ٹائون میں سفیان ،ہربنس پورہ میں نعیم ،شالیمار میں تنویر ،سبزہ زار میں یاسر،عارف اور عاطف کی موٹر سائیکلیں چوری کر لی گئیں۔ کوٹ عبدالمالک کے قریب ڈاکوئوں نے کار سوار فیملی سے زیورات، نقدیاور موبائل چھین کر لے گئے۔ ایس ایم نصراللہ فیملی کے ہمراہ گاڑی پر جا رہا تھا۔ خرم شہزاد ایڈووکیٹ کی کار چوری ہو گئی۔ بیگم کوٹ کے قریب ڈاکوئوں نے رانا دانش سے دو  لاکھ روپے کی رقم چھین لی۔ شرقپور سے لاہور آنیوالی ویگن ڈاکوئوں نے اٹاری کے قریب لوٹ لی ۔ شاہدرہ 25 نمبر سٹاپ کے قریب ڈاکوئوں نے بنک سے رقم لے کر جانے والے طفیل سے ساڑھے تین لاکھ روپے چھین لئے۔ موٹر وے چوک  بھلے اندون کے قریب ڈاکوئوں نے فیصل صدیق سے نقدی ، موبائل فون چھین لئے۔