راولپنڈی (آئی این پی) پالتو بلی نے ایلیٹ فورس کے شیر جوانوں کی دوڑیں لگوادیں۔عوامی تحریک کی ریلی سے قبل چیکنگ کے دوران کمیٹی چوک کے مقام پر ایک خاتون کی گاڑی کو روک کر چیک کیا گیا تو اس میں موجود بلی بوکھلاکرگاڑی سے بھاگ نکلی جس پر خاتون نے شور مچانا شروع کردیا۔ موقع پر موجود ایلیٹ فورس کے جوانوں کے خاتون کے تیز طرار جملے سن کر پسینے چھوٹ گئے جنھوںنے آئو دیکھا نہ تائو بلی کو قابو کرنے کے لئے دوڑیں لگادیں بالآخر بلی قابو میں آئی اورخاتون کے حوالے کرنے کے بعد ان کی جان میں جان  آئی۔