الفجرہ(سپورٹس ڈیسک) انڈر ٹوئنٹی ون ورلڈ سنوکر چیمپیئن شپ میں پاکستان نے مسلسل گیارہویں کامیابی حاصل کرلی۔ حمزہ اکبر، ماجد علی اور محمد فہیم نے مسلسل تیسرا میچ جیت کر دوسرے راونڈ میں جگہ بنالی۔متحدہ عرب امارات کی ریاست الفجیرہ میں  جاری  چیمپئن شپ میں پاکستان کے محمد فہیم نے یو اے ای کے عبدالسلام کو چار صفر سے شکست دی۔ حمزہ اکبر نے آئرلینڈ کے ڈیوڈ کیسڈی کو چارصفر سے ہرا یا۔ محمد ماجد نے بیلجیئم کے جیف جیکب  کوچار دوسے زیر کیا۔