لاہور (اے پی پی+نوائے وقت رپورٹ) پاکستان اور بھارتی کرکٹ بورڈ کے درمیان 8 سال کا معاہدہ طے پا گیا۔ دونوں کرکٹ بورڈ نے 8 سالہ معاہدے پر دستخط کر دئیے۔ 2015ء سے 2023ء تک پاکستان اور بھارت کے درمیان 6 کرکٹ سیریز ہونگی۔ پاکستان کرکٹ بورڈ کے ذرائع کے مطابق پاکستان 6 سیریز میں سے 4 کی میزبانی کرے گا جبکہ بھارت 2 سیریز کی میزبانی کرے گا۔ 2015ء سے 2023ء تک پاکستان اور بھارت کے درمیان 30 ون ڈے میچز کھیلے جائیں گے۔ پاکستان اور بھارت کی کرکٹ ٹیموں کے درمیان 2015ء میں 2 ٹیسٹ 5 ون ڈے اور 3 ٹی 20 میچز کھیلے جائیں گے۔