مظفرگڑھ‘کتے چھوڑنے سے زخمی ہو نے والا 70 سالہ شخص دم توڑ گیا
مظفر گڑھ(آن لائن)مظفرگڑھ میں زمیندار کی جانب سے کتے چھوڑنے پر شدید زخمی ہونے والاشخص دم توڑ گیا۔ تفصیلا ت کے مطا بق شاہ جمال میں چند روز قبل بغیر اجازت کے اپنی زرعی زمین سے گزرنے پر مقامی زمیندا ر فلک شیر نے 70سالہ شخص اللہ بخش پر کتے چھوڑ دئیے تھے۔واقعے کے بعد پولیس نے ملزم فلک شیر کو گرفتار کر کے اس کیخلاف تھانہ شاہ جمال میں مقدمہ درج کیاتھا اور وزیر اعلیٰ پنجاب نے واقعے کا بھی نوٹس لیا تھا۔ 70سالہ بزرگ کو ڈسٹرکٹ ہیڈ کوارٹر اسپتال منتقل کیا گیا، جہاں سے تشویشناک حالت کے پیش نظر 2روز قبل اسے نشتر ہسپتال ملتان منتقل کر دیا گیا تھاجہاں اللہ بخش زخموں کی تاب نہ لاکر انتقال کیا گیا۔
