لاہور(سپورٹس رپورٹر) پاکستان کرکٹ بورڈ کی انتظامی کمیٹی کا اجلاس کل لاہور میں ہوگا جسکی صدارت چیئر مین نجم سیٹھی کریں گے ۔اجلاس میں مینجمنٹ کمیٹی کے اراکین سابق چیئرمین شہریار احمد خان، سابق چیف سلیکٹر اقبال قاسم، سابق منیجر نوید اکرم چیمہ اور اسلام آباد ریجن کے صدر شکیل شیخ  کے علاوہ چیئرمین پی سی بی کے مشیرسابق کپتان ظہیر عباس،بھی موجود ہونگے۔ ذرائع کے مطابق اجلاس میں بورڈ کے اہم معاملات زیر بحث آئیں گے ۔