لاہور(سپورٹس رپورٹر) سیالکوٹ ریجن سے تعلق رکھنے والی کھلاڑیوں عاصمہ سکندر اور مریم بٹ نے کہا ہے کہ انٹرریجن ویمن کرکٹ ٹورنامنٹ کے لئے سیالکوٹ ریجن کی بننے والی ٹیم میں باصلاحیت کھلاڑیوں کو چھوڑ کر سفارشی کھلاڑیوں کو شامل کر لیا گیا ہے۔ منتخب ٹیم میں شامل مالکہ منظور، مدیحہ راجپوت، شمائلہ، الماس اور رابعہ شاہد نے ٹرائلز تک نہیں دیئے اس کے باوجود ٹیم میںشامل ہیں۔ ہمارے ساتھ ساتھ صائمہ جمیل جو ڈسٹرکٹ کی بہترین وکٹ کیپر قرار پائی تھیں اور باصلاحیت کھلاڑی انم زارا کو بھی نظر اندار کر دیا گیا ہے۔ انہوں نے پاکستان کرکٹ بورڈ ویمن ونگ اور عائشہ اشعر سے اپیل کی ہے کہ وہ معاملے کا نوٹس لیتے ہوئے انکوائری کرائیں کہ کن کھلاڑیوں نے ٹرائلز میں حصہ لیا اور کن کھلاڑیوں کو کیمپ میں بلایا گیا ہے۔