ہرارے (آئی این پی)پاکستان کرکٹ ٹیم کے نئے بیٹنگ کوچ گرانٹ فلاور نے کہا ہے کہ پاکستانی ٹیم کا بیٹنگ کو چ مقررہونے پر خوشی ہے،پی سی بی کے اعتماد پر پورااترنے کی بھرپور کوشش کروں گا،پاکستانی بلے بازوں کی کوچنگ کسی بڑے چیلنج سے کم نہیں ، بین الاقوامی کرکٹ کاتجربہ  پاکستانی کرکٹرزمیں منتقل کروں گا ۔ ایک انٹرویو میں گرانٹ فلاور نے کہاکہ کوچنگ لیول تھری کورس کررکھا ہے جبکہ میرے پاس بین الاقوامی کرکٹ کھیلنے 18سالہ تجربہ ہے۔  پاکستانی بلے بازوں کی کارکردگی میں عدم تسلسل بہت پرانا ہے جو کہ ہمارے دور سے بھی پہلے کا ہے ، پاکستانی بلے بازوں کی کوچنگ کسی بڑے چیلنج سے کم نہیں، امیدہے کہ میری کوچنگ سے بلے بازوں کی کارکردگی میں بہتری آئے گی ۔پاکستانی کھلاڑی انتہائی باصلاحیت ہیں،انہیں مزید نکھارونگا ۔ پاکستانی کھلاڑیوں کے ساتھ زبان کا مسئلہ نہیں ہوگا ، بین الاقوامی کرکٹ کھیلنے والے انگریزی زبان کو بہترین طریقے سے سمجھ جاتے ہیں ، مقامی زبان سیکھ کر کھلاڑیوں کیلئے آسانی پیداکروں گا۔