نئی دہلی/ اسلام آباد (آئی این پی) وزیر اعظم نواز شریف کے دورہ بھارت اور وزیر اعظم نریندر مودی سے ملاقات سوشل میڈیاپر مسلسل زیر بحث رہی، نہ صرف دونوں ملکوں بلکہ دنیا بھر سے سوشل میڈیا  استعمال کرنے والے اس پر مسلسل اپنی رائے کا اظہار کررہے ہیں ۔ مختلف لوگوں نے نواز شریف اور نریندرمودی کی ملاقات پر کمنٹس دیتے ہوئے کہا کہ جنگ کسی مسئلے کا حل نہیں۔دونوں رہنمائوں کی ملاقات کو عالمی میڈیا نے علاقائی خبروں کو ہٹا کر مخصوص کوریج دی۔ میڈیا رپورٹس کے مطابق منگل کے روز وزیر اعظم اور بھارتی وزیر اعظم کے درمیان جب ملاقات شروع ہوئی تو عالمی میڈیا کی نظریں ملاقات پر جم گئیں۔