نندی پور پاور پراجیکٹ سے پیداوار شروع 95میگا واٹ بجلی قومی گرڈ میں شامل
اسلام آباد (اے پی پی) نندی پور پاور پراجیکٹ سے بجلی کی پیداوار شروع ہوگئی ، پاور پراجیکٹ سے 95میگا واٹ بجلی قومی گرڈ میں شامل ہوگئی ہے۔ پی ٹی وی کے مطابق نندی پور پراجیکٹ کے ترجمان نے بتایا ہے کہ نندی پور پاور پراجیکٹ سے 95میگا واٹ بجلی کی پیدوار شروع ہوگئی ہے جو ٹنل گرڈ میں شامل کر دی گئی ہے اس سے ملک میں بجلی کی لوڈ شیڈنگ میں کمی لانے میں مدد ملے گی۔ انہوں نے کہاکہ نندی پور پاور پراجیکٹ گذشتہ دور حکومت میں غفلت کے باعث کئی سال تعطل کا شکار رہا۔ اس منصوبے کی مشینری کئی سال سے کراچی بندرگاہ پر پڑی رہی۔ تاخیر کے باعث منصوبے کی لاگت میں کئی گنا اضافہ ہوا۔ انہوں نے کہاکہ یہ منصوبہ سات ماہ کی ریکارڈ مدت میں مکمل کیا گیا ہے۔
