طائف (ممتاز احمد بڈانی) سعودی عرب پاکستان انٹرنیشنل سکول طائف کے گرلز  و بوائز سیکشن میں یوم تکبیر کے حوالے سے  تقریب ہوئی۔ صدارت سکول کے پرنسپل اور نظریہ پاکستان  ٹرسٹ طائف کے چیئرمین قیصر خان اور مسز رابعہ عمران نے کی۔ تقریری مقابلے کرائے گئے۔ قیصر خان نے  خطاب میں کہا ہمیں آج اپنے آبائو اجداد کی ان قربانیوں کی قدر کرنی چاہئے۔  نظریہ پاکستان ٹرسٹ طائف کی وائس چیئرمین مسز رابعہ عمران نے کہا کہ بھارت نے پانچ ایٹمی دھماکے کئے ، اسکے جواب میں ہمارے وزیراعظم نے 6 ایٹمی دھماکے کر کے  اسکی بولتی بند کردی۔